البارحه امي و خالاتي راحوا السعوديه و بقت بس وحده خالتي معانا و بالليل قبل لا ايون قالت لنا خلكم من النت و تعالوا نسولف مع بعض ، و قعدنا انا و بنات خالتي نتكلم معاها ، قمنا نتكلم عن اشياء قبل كنا نخاف منها .. قالت لنا خالتي قبل كانوا يخوفونهم بأم الخضر و الليف لوول قالت لنا موقف صادهم لمن كانت اصغيره تقول كل مره ما تنام بالليل و تقعد تصيح و امي العوده تقولها الحين بتيي لج ام الخضر و الليف اذا ما نمتي و مره كانت قاعده مع اليهال قاعدين يتكلمون يم النخل و عرفوا انهم يقصدون بأم الخضر و الليف اهيا النخله .. هالمره خالتي قالت لامي العوده فهمت انتي شنو تقصدين بأم الخضر و الليف ( النخلة) قامت امي العوده تضحك عليها .. بعدين تقول خالتي طلعوا بدعه يديده ( ابو السجاجين) و كان في هالفتره يبوقون اليهال < صج يعني مو غشمره > و تقول من يدشون الحمام كانوا يخافون يطلون من الدريشه اكو احد و له لأ و كل واحد يتصور ابو السجاجين هذا شلون .. تقول اهيا كانت تصوره انه عينه واسعه و في جسمه كله سجاجين لووول .. في هالفتره بالذات في ياهله بالفريج باقوها كان عمرها سنتين ، كانت واقفه يم الباب و امها بالمطبخ ما مهلت خمس دقايق و طلعت الا ماكو احد الياهله اختفت و لليوم و لباجر ما يدرون وينها ..
خالاتي و امي كله يقولون سوالفهم و مغامراتهم لنا خصوصا بالعين ( عذاري ) بس سوالفهم تشوق ..
تذكرت انه حتى احنا لمن كنا صغار كانوا يخوفونا بأم الخضر و الليف و حتى اذا سمعنا صوت جلب بالليل كنا نخاف منه
اختي توو
صباح الخير.. صباح بسكوت بالككاو
تونا صاحيين من النوم اهني
لوول
خالاتي و امي كله يقولون سوالفهم و مغامراتهم لنا خصوصا بالعين ( عذاري ) بس سوالفهم تشوق ..
تذكرت انه حتى احنا لمن كنا صغار كانوا يخوفونا بأم الخضر و الليف و حتى اذا سمعنا صوت جلب بالليل كنا نخاف منه
________________
يبت لكم جم صوره لمن كنت اصغيره بس لحد يتطنز علي لوول
هاي انا لوول
انا و اختي
اختي
فيه شبه بينا يعني؟
مادري ليش حسبالهم توين معنه ما نتشابه :\
( المباركيه صدقت انه احنا ثنتين؟)
زعلانين
انا .. جني صبي
يبت لكم جم صوره لمن كنت اصغيره بس لحد يتطنز علي لوول
هاي انا لوول
انا و اختي
اختي
فيه شبه بينا يعني؟مادري ليش حسبالهم توين معنه ما نتشابه :\
( المباركيه صدقت انه احنا ثنتين؟)
زعلانين
انا .. جني صبي
اختي توو
صباح الخير.. صباح بسكوت بالككاو
تونا صاحيين من النوم اهني
لوول
اضحك اهني بدون طناز بليز
كله زعلانه : (
___________________
للكلمات بقيه:
كله زعلانه : (___________________
للكلمات بقيه:
اعتذر لك نيابه عن اختي تراها مو قصدها بالعكس اهيا طيبه و حبوبه و الي عايش معاها و عارفها يفهمها زين و كل السالفه اهيا اختلاف بالراي .. كل واحد عنده وجهة نظر مختلفه و ميول و هوايات و محد يجبر غيره انه يحب الي يحبه يعني مثلا اهيا تحب الكيم مو شرط الكل يحب الكيميا.. انا وحده ما احب الكيم بعد ;P
يعني مو تحط في خاطرك عليها .. ما عليك منها لوول
السالفه ما تسوى و انا اختك و اتمنى انه ما يتكرر هالشي
السالفه ما تسوى و انا اختك و اتمنى انه ما يتكرر هالشي
30 التعليقات:
بالكويتي يسمونها ام السعف و الليف
من قال انا حاط بخاطري ؟
لا بالعكس
بس في غير معرف قاعد يقط كلام ضدج و ضد غير معرف ثانية
اتمنى انه وضحت السالفه
الله يخليكم حق بعض
لوووول خوش صور والله
حدكم كيووت ..
جم عمركم اهني ؟
ترى في شبه بينكم .. خصوصا العيون والخشم (الانف )
P=
الله لا يفرقكم عن بعض
--------
تقبلي اول مرور لي بمدونتج
=)
\\
الله ذكريات ليتها ترجع على سيرة أمالخضر والليف عندنا في السعودية تحديدا المدينة كل ما عملنا شيطنة خوفونا ب ( عافية ربي) ولا ( نمنم) و كانوا يوصفوها بأشكال مخيفة والنتيجة نجلس بمكاننا زي الصنم..
أما أطفال هادي الأيام ما شاء الله لا عافية ربي ولا غيره ..
ربي يسعدك باريس تدوينه ذات شجون و نسمات حنين..
شكرا لكِ\
:)
حلوة ذكريات الطفولة ،،
نحنكانوا يخوفونا بام الليل بس امي كانت تصارخ عليهم اونه مب زين تخوفون اليهال ،، لوول
و الحين في شي يديد بعد ،،
يخوفون اليهال بعبدالله بو السلاسل ،، خخخ
خاطري اعرف من وين ييبون هالاسماء ؟؟
هههههه
تدوينة حلوة ،،
دمتي بود ،،
يلبي لوووول
مالاحظتوا واحنا صغار لازم عندنا صور مفصخين ؟؟؟ شسالفة الاغراء عندنا ؟؟ لووول
فديتج والله
Wow!! That third picture is really something special. What a great shot and an even better subject!!
للكلمات بقيه
تصدق بعد ما عرفت انها النخله انا بعد قمت اسميها ام السعف و النخيل لوول
لان الخضر= اللون الاخضر في النخله = السعف .. يعني نفس الشي
اي فاهمه .. مشكوور
و يخليك :)
هاشيموتو
انا عمري اهني سنه و 8 شهور امي تقول و اختي تقريبا 3 سنوات جذي
بس الصوره الثالثه لاختي عمرها سنه و 9 اشهر
ميبي شويه بس الحين ما فيه شبه عدل
اعرف خشم = انف حتى احنا نقول خشم ما نقول انف :p
تسلم الله يخليك لاهلك و ناسك و كل الي تحب .. مشكور
تشرفت بزيارتك :)
عاد نحن كانو أكثر شي يخوفونا بأم دويس =/
بالنسبه للصور ماشاء الله عليكم أشكالهم كيوت ;*
ياحيج انتي عندج بس صورة جنج ولد فيها.. انا تقريبا كل صوري وانا صغيره طالعها فيها ولد .. كانو كله يقصون شعري بوي !!
ربي يحفظكم ^_||
سالفة تخرع اهلنا هذي p; حرام عليهم
ما شاءالله زوووغة وانتي صغيرة
:)
!. دفء البوح .!:
لووول
أول مرة أسمع عن "عافية ربي" و "نمنم"
اي و الله هليام اليهال ما يخافون من شي
العفو :)
إنسانة:
زين تسوي امج الله يحفظها و يخليها لج
اي و الله عليهم اسماء بدايع
منوره عزيزتي
طموحة مملوحة:
لووووول
مادري اسألي الماميز اهما الي يصورون لوول
تسلمين ^^
غير معرف:
Thanks
^_^
lOsT:
انا ماعرفت ام الدويس الا من ام خماس (فريح)
عيل اخوي لو تشوفينه تقولين بنت
ويحفظج =)
ريـانـه الـعـود:
تسلمين ومشكورة
^_^
مساء الورد عزيزتي باريس
بقولك شغلة لا تزعلين...:)؟
ليش حاطه صوركم
هذى خصوصية..مو لازم أحد يشوف هالصور
حتى لو كنتم صغار...!
لأن النت فيه ناس وااايد مو زينة
أتمنى كلامي ما زعلك:)
وأم السعف والليف كلنا خفنا منها وأحنا صغار:(
مشكوورة ياباريس
وبس
بابل
صور حلوة
:)
مرره كيوت ... ماشالله حلوين p=
بابل :
هلا بابل مساء النور
اي اعرف الدنيا ما تختلي من هالناس :(
و ليش ازعل عادي
اوردي كل الي قلته في صالحي
ادري انك تبي الخير لي و انا الي ابي اشكرك لانك خايف علي و ع مصلحتي ..
و ليش ازعل دامها يات من بابل ..لا تخاف ما زعلت :)
منال :
ثانكس .. عيونج الحلوة :)
SARAH
تسلمين حبيبتي .. مشكورة =)
اي اتذكر كانو اخوفونا بام الخضر والليلف
ما شاء الله عليج كيوته واختج بعد
الموضوع حلو عجبني
مشكورة باريس
sweety
sweety:
ثانكس
تسلمين :)
أمج وخالتج يخافون من أم السعف والليف :) ذربين والله
أمي الله يحفظها ما كانت تخوفنا بس اخواني اللي أكبر مني مدرسين بهالسوالف ، اللي كانوا يخوفوني فيهم ، الجني الأزرق والطنطل و( وانتي بكرامة )سهير جنية الحمام وأم برقع أخضر .. كل واحد منهم قصة :)
وطلعتي حلوة يعني P:
زيارتي الأولى
واسجل اعجابي بالمدونة
سأبقى تحت حروفك فقد طاب لي المقام
تحياتي
دلال :
وايد صعبه اساميهم
لوول شمعنه البرقع الاخضر ؟
لول شعبالج =P
الغدوف :
حياج ..
تشرفين :)
ماشاءالله .. الله يحفظكم لأهلكم و يحميكم .. و الله وايد تشابهون بعض !
حنان:
مشكورة حبيبتي ع دعواتج
بس مااحس انه نتشابه يعني
إرسال تعليق