الخميس، 18 يونيو 2009

عزيمة أمس


صراحة سالفة أمس لووووووووووووووووول .. ما أدري شلون ابتدي ابها المهم يعني نبدي السالفه لوول
ارفيجتي ابتسام قالت لي بتيي بيتنا ع عشا يوم الاربعاء تاريخ 17 .. قلت لها بتيين بروحج وله اقول الى بنات صفنا اييون ( طبعاً مو الكل ) اول وحدة قلت لها يعني قبل جم سبوع قالت لي ما بقدر ايي بنات خالي عازميني ع عيد ميلاد.. و أول أمس قلت لهم قالو اوكي بنيي وجم وحدة قالت مو أكيد .. الاكل جاهز وكلشي ، شبكت ع ايميلي أسألهم اذا أكيد بييون الا وحدة تقول انا ما بقدر ايي لان ابوي عازمينه ع ما ادري شنو واذا اهي ما يات يعني رفيجتها ما بتيي .. واتصلت الى وحدة من البنات قالت لي ما أقدر ايي و اذا ما يات اهي يعني حتى وحده معانا بالصف الي يم بيتهم ما بتيي .. سألت الخامسة اقول لها بتيين قالت لا كا حطوا العشا .. اتصلت الى رفيجتي بسوووووووومه .

أنا: هاي بسومة
ابتسام: هلا .. ياو البنات ؟
أنا: لا ولا وحده ، تدرين انه و لا وحده بتيي !!
ابتسام: ولا وحدة!!؟؟
أنا: ايي ولا وحدة، كل وحدة قالت لي شي ، الي ابوها عازمينه والي ما ادري شنو ..
ابتسام: انا بعد يمكن ما ايي بتصل لخالي بشووف (لان ابوها مسافرو امها في بيت ابوها العود)
أنا: تعالي احسن لج لان انتي الي مخططه لهالعزيمه.
ابتسام: اوكي باي ، بتصل الى خالي بشوف شنو يقول.
أنا: اوكي ، باي.

~~~~~~~~~~~~~~~~~~~~~~~~~~~~~~~~~~~

بعدين ردت دقت علي مرة ثانيه

ابتسام: قلت الى خالي ، قال ما يقدر اييبني
أنا: شووفي احد يقدر اييبج
ابتسام: بتصل لعمي بشووف
أنا: اوكي

~~~~~~~~~~~~~~~~~~~~~~~~~~~~~~~~~~

ابتسااام مره ثالثه :@

أنا: شنو قال لج
ابتسام: قال ما بييبني، او اذا بييبني ما كو احد يردني .
أنا: انزين قولي الى اختج.
ابتسام: توي متهاوشه معاها و حامل بعد ما تقدر يعني ماكو احد يقدر اييبني.
أنا: اوكي انا بيي لج و باخذج.
ابتسام: أول بسأل امي.

~~~~~~~~~~~~~~~~~~~~~~~~~~~~~~~~~~~

ابتسام: مارضت امي
انا: اوكي ماعليه ، لكن ما بيي عرسكم مادري شنو عندكم
ابتسام: لا تعالي تعالي
أنا: ما بيي :@ باااي : (
ابتسام : بااي
~~~~~~~~~~~~~~~~~~~~~~~~~~~~~~~~~

لكن صج فشيله موقف محرج :$ و كله بسبه ابتساموو
بعدين يات آلاء من امتحان القدرات مال الجامعه و تبدي القصص معاها
عاد آلاء و ما أدراك ما آلاء وناسه عن عشر بنات لووول من أول ما يات سألت ياو البنات قلت لها لا تقول: @@ طحححححححححححححت ، باريسو و الله فشلتينا ماتعرفين تعزمين جان اتصلتي لهم و أكدتين عليهم، أنا: والله مو انا الي مخططة الى هالعزيمة ، وكل مرة أعزم اييون.. و بعدين أنا ماحب ادق عـ احد زين اكلمهم ع المسنجر .
بعدين اتصلت بنت من الي عازمتنهم ( زين تعنت بعد اتصلت ) و قالت ما تقدر تيي قلت لها لا عادي ( كان في خاطري أقول لها انه ولا وحدة من البنات بتيي ) و القهر بعد يقولون سلمي ع البنات الي يااو < كاااك

و تبدي القصص مع آلاء: شخبار الامتحان معااج؟
آلاء: اووه سكتي صععععععععععععب اكيد برسب فيه بس الرياضيات سويت فيه اوكي تخيلي كلمات يايبين لنا ما اعرفهم من وين تقولين حتى قمت اخلي دوائر عل و عسى ابي اشووف اي كلمه اعرفها و العربي بعد حليته في نص ساعه و خليتها ع الله حتى نسيت شنو اسم فاعل و اسم مفعوول .
اختي: يالذكيه اسم فاعل ع وزن فاعل مثل طالب، و اسم مفعول ع وزن مفعول مثل مكتوب.
آلاء: ادري قلت جذي بس لاحظت الكلمات ما تركب ع بعض حاولت اركب بس ماعرفت لووووووووول
آلاء: الا ما قلتوا لي البنات ستايلنا و له شنوو؟؟!
أنا: لا هذووله بس يعني زميلاتي بالصف مب ربعي.
آلاء: اي زين عيل.
أنا: الحين عاد يبيلنا ناكل قصب لووول.
آلاء: اي بناكل انا اوردي مو متغديه بعد.

بعدين قضينااها .. وناسه بصراحه مع آلاء و سووالفها و بعد يات عمتي الي اهي امها و مع سويتي
آلاء سوالفها ما تنمل و تضحك حتى لمن بتمشي قلنالها لا تروحين قعدوا شوي قالت باجر وراي معهد ماقدر و آخرتها علينا بالعافيه و حقكم العافيه لوول :)

12 التعليقات:

غير معرف يقول...

السلام عليكم

في السـابق كنت أمر هنا واقرأ بصمت

" اليوم صار خاطري أعلق "

بـ النسبة للعزيمة ، فـ الله يعينج ، اكره المواقف الا الشخص ينحط فيها ، بالذات انج جهزتي الاكل ،، لو مكانج ، خلاص ماعودها اعزمهم

وبـ لصاحبتج آلاء >> قولي لها > امتحان القدرات الكـل عفس فيه ، مو بس هيه ، خلها تتفائل الكل شاف اشياء جديده عليه

موفقة ،،

تحيه

Paris يقول...

أميرة الحب:

وعليكم السلام

ياهلا والله .. وهلا بيج حبيبتي في أي وقت

ع فكره حتى انا كنت اقرا لج بمدونتج حتى استغربت انج تجاري اقوول لو ماخذه ادبي زين كتاباتج حلوة وايد و عندج اسلووب بالكتابه و التعبير

لووووووول قلت نفس الكلام و هددت ابتساموو بعد هاي كله بسبتها و عزيمتها اهي بعد الي عازمه روحها بروحها و لوزين يات بعد :\

و ع قوله آلاء مالهم مره ثانيه الا بيض و طماط هذا مستواهم ههههه < ما يسوى عليهم مساكين

منورة و حياااج الله دووم :)

malak يقول...

يننتج هالابتسام :p



مو خوش عزيمه :)

غير معرف يقول...

صبـاح الخير ،،

بـ النسبة للتجاري ، فهـو أحلى تخصص ضمن تخصصات الوحد ، الأدبي كارثه " ميولي مو ادبيه " ، يعني الكتابة والتعبير عن الا فالخاطر بعيدًا عن الدراسة ، ادا صار من الدراسة يستوي لوعه >> خليني اشوف بصمة مرورج هناك

> اخذي لهم سمبوسة وكباب وجباتي اريح

الله يحيج

تحيه

Paris يقول...

malak:

اوه مو بس يننتني دوختني بعد
هذي سنداره من النوع الزين :\

و تخيلي بعد يمي بالمدرسه و كلشي تسويه اطيح فيه انا

و من ناحيه مو خوش عزيمه صدقتي دام من صووب ابتسام اكيد مو خوش عزيمه

Paris يقول...

أميرة الحب:

صباح النور

انا بعد بالادبي كلش >< و راح امشي ع خطاج بعد تجاري :)

مالي خلق العلمي و سوالفه تشريح ما تشريح و تجارب :\

لوول مره ثانيه نطبق نصيحتج

the LEADER يقول...

الله يعينج صج مأساه ،

والله لو واح مسوي معاي الوقف هذا اذبحه ،

ما عليه ،

يبقون اصدقاء ويغفر لهم ،

شكرا لقلمك السيال .

علي يقول...

اكره العزاااااااااااائم جدا
وخصوصا يتركز كرهي الشديد في العزائم التي لا أكون متواجدا فيها !!!

lOsT يقول...

وايد تصير .. بس ما وصلت ان كلهم ما يوو p;

الصراحه مال طراق هذيله عشان مره ثانيه ما يعيدونها p:

عاد مره ثانيه لا تسون الأكل قبل لا تتأكدين ان كلهم ياين ..

بالتوفيق =)

Paris يقول...

the LEADER:

يا هلا والله ,,

اي و الله صاج يبقون اصدقاء ويغفر لهم

العفوو

منور و حياك الله :)

Paris يقول...

علي الملا :

مثل الحال انا بعد اكره العزائم بدرجه ما تتصورها

و دام انك تكره العزائم الي انت مب فيها لو ادري جان عزمتك بس عاد اقعد بروحك ما عندنا صبيان :P

Paris يقول...

lOsT:

بعد ابتسام وما أدراك ما ابتسام .. عزيمتها فمن جذي محد ما يا .. اذا اهي ما يات شلون البنات بييون .. بس يعني معذورين وكل وحدة ضروفها

الصراحه صج اتفق معاكم انتي و ذا ليدر اهما مال ذباح و مال طراقات مال كلشي P:

مرة ثانية انشالله ..

^_^